黃師傅年輕時候去台灣旅行，適逢美國阿拉巴馬州州長華來士（Wallace）到台灣訪問，此君乃死硬白人至上派，歧視黑人，曾競選民主黨總統候選人，當然輸晒啦，佢亦係堅決反共分子，到台灣自然好受蔣總統歡迎，當年台灣報紙一律直排，橫排被視為親共，如招牌橫寫，要由右至左（唔係今日咁樣全部由左至右），黃師傅記得一張報紙，好似係《工商時報》，為咗華來士，特登將標題橫排，大書「華來士來華」，無論從左至右，從右至左，都係一個意思，真係天衣無縫也。