韓國神劇《太陽的後裔》男星宋仲基一向同《雲畫的月光》師弟朴寶劍感情好好，之前朴寶劍喺台灣開見面會，宋仲基亦二話不說飛到當地力撐師弟。

而今日朴寶劍喺泰國曼谷開見面會，宋仲基就繼續力撐，噚日由韓國出發飛去泰國會合師弟，今晚宋仲基亦會力撐師弟嘅見面會，認真唔話得。

至於朴寶劍難得到曼谷，亦專登提早兩天抵步，佢仲化身做自由行，爭取時間四周圍遊覽，前日同噚日佢仲喺街頭及各景點捕獲，當中朴寶劍亦表現得好友善，見到粉絲都有打招呼，相當親民。而朴寶劍玩得好開心，當中仲有去動物園餵羊仔，佢又不時玩自拍，玩得不亦樂乎。未知係唔係當地天氣好熱，朴寶劍亦要踢拖上陣。