16歲美國新進男模LuckyBlueSmith，自從今年初喺米蘭時裝周先後為7個品牌行騷後，繼而被萬千女士封為新一代男神，年紀輕輕已有6呎2嘅身高，加上一頭銀髮同埋迷死人嘅眼神，絕對係天生萬人迷嘅材料，只可惜笑起嚟就露出牙肉比較礙眼。

LuckyBlueSmith短短時間已於網上狂吸Fans，佢個instagram已破75萬人follow，呢位靚仔今日就透過ig公佈喜訊，表示會到香港、上海出席adidas品牌活動，據知他於本月31日抵港，4月初出席公開活動，本地粉絲知道後當然雀躍，而港模蔡穎恩都喺微博話想見吓呢位新一代男神。