擁有美國籍嘅韓國女藝人Amy曾兩度因違法使用藥物而被捕，前年佢因為連續違法使用麻醉藥品，被首爾出入境管理局驅離韓國，並要求10年冇得入境。

不過韓國節目《聽到傳聞》噚日播出嘅一集就講到有人爆料，話Amy喺韓國時曾經問記者借咗20萬韓圜(約$1,360港元)，並且要求記者為佢嘅照片執圖，點知節目出街後，身在美國嘅Amy就大受打擊，韓國報道指Amy因為有關報道面企圖喺寓所內自殺，幸好及時發現，即被送到附近醫院接受治療，現時已脫離危險期。

報道又指根據Amy相關人士透露Amy因為報道而大感委屈，並強調節目中所講嘅內容並不是事實，加上節目組方面未有查問過當事人是否事實，但卻拿Amy昔日嘅報道作話題，似乎有欠公道。而節目組亦就事件向Amy道歉。