原來唔少地方都玩「半閉門作賽」，疫情令到賽馬氣氛差咗，投注額都好似話低咗。

呢件係全世界嘅事，大家都知日子唔易過，但唔通真係「惶惶不可終日」好咩？

苦中作樂未嘗不可，只要做好個人衛生防護，繼續「馬照跑、舞照跳」仲可以平衡心理，「半杯水」嘅道理啫！

聽晚（4日）第五場四班1200米，「孖寶」又跑啦！

連場都準到爆，似係換潘頓想再博多Win，狀態完全無跌，仲越跑越壯健。

呢場得佢真係快，有靚檔貼欄跑自己，簡直就係黃金機會，唔好捐閘慢閘令人失望喎！

「齊勝利」一轉谷草就有表現，上場外檔拖後反而追得好，拉士一百撬位爆上嚟輸近，再谷再拍有鬥志，7檔無咁後應該仲好追。

出自同組嘅「非凡魅力」係直程塞死咗，未有得衝已經要抽起，加眼罩等佢保住前速唔好嘥咗個檔，起步要順利霸實個「包廂位」。

「特駒聯盟」打叠做「阿二」再狂做工夫博補中，衰在整個12檔，個心都實埋。

不過計馬匹實力狀態，只要唔係三叠都好夠爭，快馬無幾多，盡搶都有價講。

-------------------
唔使自己刨得咁辛苦 精選貼士懶人包
即睇【今晚Tip馬夜唔夜】
-------------------
【馬後炮】韋達三大熱門死剩一隻 「無敵勇士」僅敗蔡明紹騎得老襯
即睇陳華棟同Dylan點詳細分析
-------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩