曾國祥導演電影《七月與安生》改編自女小說家安妮寶貝嘅同名小說，電影講述七月同安生呢對性格、際遇迥異嘅青梅竹馬好姊妹，因為家明嘅介入而陷入一段悲情嘅三角戀。當中他們有人借呢段回憶寫成未有結局嘅網絡小說，引起電影公司關注，帶出小說中未知嘅故事。而電影中不斷扭橋，前後出現三個不同嘅結局，有別於原著簡單嘅故事架構。

(劇透慎入)
第一結局
網絡小說嘅結局：以七月名義所寫嘅網上小說中，喺講七月「交換」咗安生嘅人生出國流浪，之後佢返嚟搵安生，經過一晚交談，兩個人冰釋前嫌，七月繼續佢嘅流浪生涯。

第二結局
安生向家明講嘅結局：安生囡囡踢爆網上小說原來係出自安生手筆，並假借七月嘅名連載。結果安生同家明講，當日七月係懷有家明骨肉嚟搵自己，誕下囡囡之後交由安生撫養，七月繼續佢嘅流浪人生。

第三結局
真正嘅結局：呢個亦係最殘酷嘅結局，懷有BB嘅七月去搵安生，兩個人應承一齊養大BB，不過七月最後難產死亡，安生痛苦地隱藏呢個秘密。

第四結局
冇用到嘅結局：導演原來拍咗另一個版本故事，就係當初安生到學校搵家明時，只係遠望冇同佢打招呼。令到安生冇介入到家明同七月嘅戀情，之後七月同家明結婚生BB，過住美滿生活。導演話呢個係佢原本設計嘅結局，不過最後都冇用到。