【新增影片】
挪威超球隊利尼史特朗周日晚喺挪威盃決賽，以3:2擊敗薩普斯堡，近十年嚟第一次捧盃。賽後，成班職球員同球迷一齊開P慶祝，本應就係開心事，但結果就畀人鬧爆，究竟當中發生咗咩事呢？

原來喺祝捷會途中，利尼史特朗28歲後衛阿歷山大安達臣忽然high到除哂衫褲，剝晒光豬咁企喺大家面前。呢個尺度大家都仲接受到，但安達臣仲要玩大啲，將本來要打格仔嘅「小安達臣」，套入去挪威盃獎盃入面，仲非常享受咁樣。

開心過後有手尾跟，呢件事傳出後，安達臣受到網民嘅責難，甚至連挪威足總都忍唔住出聲，話雖然個盃頒左畀你咃，亦知道你哋好開心，但可唔可以畀返少少尊重呢？

不過安達臣面對呢啲批評一於少理，當傳媒問佢屋企人會點諗嘅時候，佢就話屋企老人家無玩社交網站，唔會知佢做左乜。唔認錯之餘，仲反問係咪要向挪威國王道歉大家先滿意，係霸氣嘅！

--------------------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2xrTKGM