【韓流】iKON粉絲指北野武有反韓傾向 具俊會刪相兼兩度道歉
北野武具俊會
【新增內容及圖片】
韓國天團BIGBANG嘅同門師弟團iKON日前喺台灣開騷,當中成員具俊會喺演唱《My Type》時,喺台上失言,將台迷叫成「中國嘅粉絲」,令場面好尷尬。
iKON上月起展開「iKON Japan Tour 2018」,具俊會噚日就喺Instagram上載獲日本名導北野武送贈嘅禮物,留言話多謝北野武,亦希望對方要來欣賞iKON嘅演唱會。點知上載不久就有粉絲留言話北野武有反韓、厭韓嘅傾向,叫具俊會要刪除有關內容。事實上具俊會之前已多次發表有關北野武嘅帖子,可能本身就與對方十分相熟。對於有粉絲留言,具俊會就以婉轉嘅語氣話:「請唔好對我指手畫腳,我不喜歡。」
當時具俊會就冇即刻刪除有關帖子,直到因為再有唔同粉絲嘅投訴,以及成為網上熱話後,具俊會先刪除有關北野武嘅內容。而唔少網民都批評佢對好言相勸嘅粉絲態度。
另外,由於事件受到傳媒關注,具俊會今日下午就喺Ig就事件道歉,並指因為北野武係自己鍾意嘅演員,但唔清楚佢嘅其他情況,今後同粉絲溝通時會更加謹慎。
至晚上,具俊會公開親筆信,再次就事件道歉,表示:「對於支持我並愛我嘅粉絲,好抱歉令你哋擔心。」具俊會對於自己隨便回應粉絲嘅好言相勸嘅行為感到羞愧,承諾之後會成為一個更成熟及更審慎嘅人。
精選韓流,喺晒《娛果》
http://fb.com/appledailyent