銀行各施各法吸客，存戶更易獲得更多著數。有學者稱近年被邀請「升呢」為滙豐「卓越理財」理財客戶，說只要無需支付手續費，「晉身理財客戶無乜輸蝕」。

中大會計學院高級講師李兆波指主要往來銀行為滙豐銀行，原本屬「運籌理財」級別，即資產達20萬元或以上，近年獲升級為「卓越理財」客戶，平均每月資產要求亦提升至100萬元。

作為銀行「尊貴客戶」，李兆波讚兌換人民幣滙率較好，存款亦有較多優惠，輪候分行櫃位服務時間一般較短，但偶有例外，過去幾年股、樓大升，港人身家隨時翻幾翻，持有百萬元者眾，何況只是廿萬現金，李兆波笑稱，「大埔好多尊貴客戶，有次我落分行，發現尊貴客戶櫃位條隊較一般客戶的還要長」。

他依然嫌銀行炒股手續費較券商貴，故不時調走資金投資股票，所以有時會不達銀行資產要求，「銀行會寄信嚟通知我，話會收手續費，我致電了解後，佢又畀我延遲達標的時間，只要不需支付手續費，又無所謂嘅」。

事實上，若不想鎖死資金，想反其道「降呢」，手續亦不繁複。只要帶同身份證及銀行卡，親身落分行，要求即時終止服務便可，銀行櫃位職員也相當識做，不會「打爛沙盤問到篤」，也不用怕難為情。

本報記者

investMAN
For People of Style & Substance
掌握理財智慧 感受生活品味
http://facebook.com/investMAN.hk