當年今日
關於我們

面青唇白硬撐主持節目
區永權急性盲腸炎入院

蘋果日報 2017/05/26 00:00


區永權前晚跟宋熙年一同主持無綫節目《東張西望》,在鏡頭前還精神奕奕,可是節目完結,區永權匆匆離開。有讀者報料指發現區永權前晚10時許戴着口罩,低調到養和醫院看門診,當時一臉病容,醫生檢查後,區永權隨醫護人員登記留醫。記者昨聯絡區永權,他氣若游絲表示患上急性盲腸炎,昨早8時做了手術,一切順利,區永權仍需留院,已向公司請假,今晚未能主持《東張》。
做微創手術
區永權昨日在facebook貼出卧病在床相報平安,愛妻陪伴照顧,他昨接受傳媒訪問時說:「前晚半夜肚痛,瞓醒第二朝好似好啲,我如常返工,同事就話我面青口唇白,我頂硬上照做《東張》,完咗見越嚟越唔妥,收工去咗睇醫生,去到醫院我又有發燒,發冷發熱,腸胃隱隱作痛,醫生安排我立即做電腦掃描,check咗確定係盲腸炎,走唔甩要做手術,今(昨)朝就做咗微創,𠵱家仲未落得床。」醫生指視乎區永權情況才決定何時出院,但休養期間不可以做劇烈運動,今晚《東張》都要請假,他希望下周可復工。
empty
區永權前晚突然急性盲腸炎入院,老婆陪伴照顧。
empty
區永權前晚返無綫主持《東張西望》,他當時抱恙頂硬上。
empty
兩子之父區永權(右一)有空會接送囝囝習泳。
教仔怕勞氣
區永權是二十四孝爹哋,平日不用開工都會親子,並帶一對囝囝學游泳,他發病前的黃昏才湊囝囝習泳,區永權希望兩子在今個暑假學識游水,即使他諳泳術,但覺得父教子會勞氣兼傷感情,就請好朋友代勞,他預計囝囝十堂學曉游水,一家四口趁今年暑假,可以出動享受陽光與海灘。問到區永權可會是怪獸家長?他笑言:「唔係,佢哋好enjoy玩水,游水係求生技能,小朋友一定要學識。」
採訪:陳杰