立法會首席諧星、民建聯元秋蔣麗芸今日喺議會嘅表演，真係技驚四座，繼今日較早前，喝罵自己嘅黨主席兼立法會代主席李慧琼唔好叫佢個名後，元秋又同同區嘅民主黨黃碧雲擦出火花，搞到元秋要向李慧琼詐型話：「主席，佢唆擺你去劈咗我個頭呀！」

話說較早前，新民黨主席葉劉淑儀老屈民主黨創黨主席李柱銘，碧雲仗義發言，替李柱銘澄清。元秋就發爛渣，用規程問題打斷碧雲。碧雲已經㷫㷫哋，向又做代主席嘅李慧琼投訴，「睇吓你嘅黨友發咩噏風啦！」

元秋點忍得到被碧雲咁話呀，於是又喺個位度嘈。工聯會麥美娟見狀，嘗試再做和事佬話，不如睇帶啦，咁落去都傾唔到。呢個時候，碧雲真係爆咗出嚟，向李慧琼話：「不如劈咗蔣麗芸個頭落地啦，成日阻住人哋發言」。

元秋聽到，就谷住道氣，又向番李慧琼話：「主席，佢唆擺你去劈咗我個頭，你聽唔聽到？點解唔告誡佢？」再次面對元秋呢位出色黨友嘅李慧琼，呢次索性暫停咗個會算數。

-----------------------------
七一遊行2019
主題：撤回惡法 林鄭下台
副題/口號：重啟政改 釋放所有政治犯 撤銷暴動定性 徹查612鎮壓
日期：2019年7月1日
集合時間：下午2時30分
遊行路線：銅鑼灣維園中央草坪至金鐘政府總部
主辦團體：民間人權陣線
-----------------------------
【登記做選民 7月2日截止】

登記方法：
。親身取表填寫及郵遞
。網上登記（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至 [email protected]）

詳情可參閱選舉事務處網頁：
https://www.reo.gov.hk/ch/voter/gcnr.htm

-----------------------------
7月4日起 《蘋果動新聞》只限升級壹會員閱覽
繼續撐蘋果！