「偽AV女」麥紫莉、亞姐最上鏡小姐李芷菱、百萬女郎秦芷瑤、禤嘉儀及節目策劃黎文卓今日在銅鑼灣鬧市，為亞視新節目《大美人。打小人》舉行活動。席上，她們逐一打小人，麥紫莉受訪笑指平時沒有打小人，因她聽聞打小人會影響積陰德：「我本身四方八面都多小人，尤其係事業上嘅小人。」特別是「偽AV」事件？麥紫莉即說：「唔只呢件事，任何時候工作唔順就想打，但見到有呢個影響就唔敢打，我怕有報應。」

提到活動口號是「用美麗打走衰運」，李芷菱是否替公司打小人？她說：「係呀，同埋打走身邊嘅衰運，每個人都想蒸蒸日上，想繼續好運，我覺得如果可以用打小人打走唔好嘅嘢，其實都係一件開心嘅事，加上打小人係中國傳統嘅文化，都係一個好有價值嘅環節。」

黎文卓指亞視現階段未有好大的條件製作劇集及大型綜合節目：「我哋做多啲有趣、有資訊性嘅短視頻，好似呢個節目過咗驚蟄，到咗38婦女節、復活節，我哋又會諗其他嘢，而家做電視唔同以前，年輕人唔會同你慢慢磨，今日打小人，聽日就唔睇，所以不停要諗橋，遲啲有個靚女教打波嘅節目，叫做《世界點只一個波》，冇辦法，無綫咁大嘅電視台都要變，亞洲電視有個好處，佢嘅包袱比較輕，所以做乜都得。」他透露跟亞視合作已有半個月，會否繼續合作下去，黎文卓表示要看反應。

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb