民陣呼籲港人今晚（15日）於多區穿黑衣，繫白絲帶，一同獻花悼念去年以死相諫政府的梁凌杰。自稱「年紀大嘅和理非」的陳小姐，記得去年晚上得知梁烈士從高處墮下的消息時「腦海一片空白，去跑咗個步」，足足花了一個晚上，才能接受到梁烈士離開的噩耗，今天帶著白花來到屯門站，目的只是想「叫做同佢講返聲對唔住或者多謝，因為當初佢犧牲自己嘅生命引起大家關注反修例」，願逝者安息。任職文員的陳小姐因工作關係，以往都較少到金鐘參與悼念，但得知自己居住的區內有悼念活動，即決定前來獻花。

在梁烈士墮下之前，他身旁寫著的「五大訴求」雛形，時隔一年仍未成功爭取，陳小姐感到無比無力，亦越來越憤怒，「我哋上年打得辛辛苦苦，流咗咁多血汗，希望撤回逃犯條例，但而家嚟多個國安法更加惡毒」，陳小姐認為香港整個環境變得越來越差，「希望佢哋喺天堂唔使再受苦」，陳小姐希望已離去的同路人可以不再承受政權的壓迫，又祝願他們的家人可盡快走出傷痛。

另外，居於屯門的李同學指去年看到梁凌杰墮樓後，坦言：「點解一個政權要令到一個人咁樣」，事隔一年，五大訴求仍未得以爭取認為政府是不為也，非不能也，「有少少嘢其實好基本嘅，佢都可以做到，但係佢都唔會去做」，亦因如此，抗爭運動才會越發激烈，以抗暴政。

李同學最希望可以告訴已離去的義士，香港人會繼續替他們走他們還未走完的路，「我哋會努力， keep住呢團火，縱使到最後我哋努力係攞唔到啲咩嘅，但係我哋都叫做有努力過」。

記者：馮智敏 攝影：翁鈺輝

----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568