【陀住B就係皇后】周汶錡呻Trouble Two太活躍 日日湊仔似瘋婦
樂基兒周汶錡
樂基兒、周汶錡(Kathy)、Ana R.、Amanda S.等今日喺淺水灣一齊出席晚宴。
樂基兒喺訪問中話想快啲有小朋友,周汶錡(Kathy)都有同佢打招呼、影相,兩人傾偈時有冇講下點造人?Kathy話可以俾啲意見對方。
Kathy嘅心得係:「做番日常生活嘅嘢,唔使點改變,最緊要開心。懷孕期間做咩都得,好似公主咁,自己開車去食嘢,好輕鬆,老公當你皇后咁服侍你,好享受。」講得咁開心,可以再生多個,點知Kathy就擰頭:「我未講完,湊嘅過程幾辛苦,細嗰個學緊企,大嗰個似係過度活躍型,係Trouble Two,都幾吃力,日日都好似瘋婦咁,都好攰,未諗再生。」
Kathy話當時唔知點照顧大仔係最好,o依家會陪多啲細仔玩,咁阿哥有冇呷醋?Kathy話:「完全係,一抱住細佬,阿哥就會即刻走過嚟,要抱下佢。」兩個仔黐邊個多啲?佢話:「黐老竇,我覺得佢哋有鬚就認老竇,尤其係外國人。」
精選娛聞,喺晒《娛果》
http://fb.com/appledailyent
再婚嘅樂基兒話想要小朋友,而Kathy就有兩個仔,可以教下造人要訣。
Kathy話陀住BB個時好享受,不過生完要湊又係另一回事。