羅兆輝最近頻頻高調接受訪問，他日前接受周刊訪問時，爆發驚人言論，大爆與圈中女星的性史，並毫不留情地批評她們的身材，甚至稱和她們有金錢交易。而前日身在英國的羅兆輝接受本報訪問時，更自爆目前情迷郭羨妮，並想請她拍廣告。
赴英割瘡傾生意
正當大家都覺得羅兆輝語無倫次，不會再有女星和他交朋友之際，本報記者收到消息，今次自稱去英國搞慳電機公司生意和做手術割面上大瘡的羅兆輝，原來是有美同行，她就是最近頻頻以性感裝束影相的任港秀。任港秀未有被羅兆輝失控爆性史的行徑嚇窒，仍願意陪他同遊英國。
羅兆輝前日接受本報訪問時稱與任港秀只是食過一次飯，對方並不是他的女友，不過昨日身在英國的羅兆輝接受本報電話訪問時，卻直認今次是和任港秀同去英國傾生意。
「我同佢分房瞓」
羅兆輝說：「係吖，Jenny（任港秀）係有同我一齊過嚟，但我同佢分房瞓，我悶搵佢陪我咋，拜託你哋唔好亂諗，係我阿媽唔放心我一個人嚟，嗰日Jenny嚟咗我屋企食飯，叫佢陪我，我冇畀錢佢使，唔係乜嘢交易吖！」
羅兆輝又說：「以前一直唔想澄清咁多，以為清者自清，好似話我同麥家琪去布拉格，邊有啫？又話我叫張文慈去半島酒店拍廣告，唉，我當時都唔喺香港，全部都係放屁新聞，唔澄清就係費事第二日再炒作，畀未睇過嘅人有機會睇，但今次我真係容忍唔到，我𠵱家唔想就呢件事去回應，無論我有講過，冇講過，我一笑置之，唯一希望做好我嘅生意，唔好令其他對我有期望嘅人失望。」