日本片《告白》、《花樣奇緣》名導中島哲也，落實會拍攝改編自澤村伊智恐怖小說新片《來》，電影會由岡田准一主演，夥拍妻夫木聰、松隆子、小松菜奈同黑木華等強勁陣容演出。

電影講述飾演平凡上班族嘅妻夫木聰，與飾演其懷孕太太嘅黑木華身邊出現不同奇怪事，佢逐向演自由作家嘅岡田准一求助，而岡田女友小松菜奈擁有強大靈力，而演小松菜奈家姐嘅松隆子亦係日本數一數二嘅通靈師。

《來》係岡田准一自去年12月與宮崎葵婚後自部接拍嘅作品，亦係佢首次接拍恐怖片，岡田話有機會同中島導演合作好光榮，但係細膽嘅佢話睇劇本已經好驚，電影喺今個月初已經開拍，岡田會喺月中先正式開工，而松隆子就話能夠同中島哲也再合作好開心咁話。

最港電影大獎投票網址
http://bit.ly/thekongestfilmawards

精選娛聞，喺晒《娛果》
http://fb.com/appledailyent