昨日報告以業績為主,騰訊控股(700)第三季盈利撻Q,部份大行順手劈目標價,但撐騰訊前景的仍佔大多數,原因不難理解,騰訊身為大藍籌,間間大行都重貨,一時三刻如何轉View,何況科網股估值,券商都係斷估。呢個市況,預測PE達30倍合理嗎?既然冇客觀標準,大行又同坐一條船,只要口徑一致話OK,騰訊就值30倍PE。世事,往往就是如此兒戲。颶風Sandy吹散美國經濟,加埋財政懸崖殺埋身,真係唔知點收科。其實美國經濟外強中乾,顯而易見,鐵路系統百年如一日,好多屋仲係用磚頭、木板搭建,都係因為莫財。今次Sandy風力只是本港八號波級數,但紐約幾十年未打過風,好多屋都頂唔住,成個屋頂唔見咗的隨處可見。