傅穎(Theresa)據聞因為同鄧麗欣(Stephy)唔夾,喺唱片公司金牌大風俾Stephy為首嘅一批太子黨人群起杯葛,結果Theresa早排出席內地活動都係單拖去,公司完全冇派人跟場。關係搞成咁,難怪近日傅穎透過律師正式要求同金牌大風、TalentBang兩公司解約,原來佢嘅經理人合約係由呢兩間公司同時持有。
Theresa同經理人公司仲有兩年合約,對佢嘅解約要求,聽講金牌大風原則上係同意,但TalentBang就唔同意,噚日馮仁昭打畀金牌負責人陳輝虹,佢話:「Theresa係提出要解約,公司同佢係傾緊,我哋都希望盡快解決,當然公司立場係想同佢繼續合作,但既然雙方意向唔統一,有啲問題都要解決嘅!」