09年6月，岳華應邀上陳志雲《志雲飯局》受訪，曾談及與亦舒的一段情。《亦舒為甚麼愛岳華》在節目的言論，令喜歡亦舒的讀者頗感愕然。

一直有傳，亦舒筆下的「家明」，頗有岳華影子。但岳華說，「佢係咪愛我，我唔係太清楚喎！」但71年兩人明明還一起登上周刊封面，亦舒還寫了一篇「自白書」，題為《亦舒為甚麼愛岳華》。

岳華承認謂：「我哋係有拍過拖，仲同居添。」志雲問他何以不清楚亦舒是否愛他？岳華解釋：「因為佢性格……比較特別，佢係一個幾特別嘅女仔。以前我哋成日同簡而清聚會，好多時係我揸車，鄭佩佩坐車，佢又坐落嚟，我哋成日一齊去玩。後來，鄭佩佩走咗，我都會跟佢去簡而清屋企，我只知當時佢同佢先生……其實我都唔知佢先生係點。」

岳華稱，與亦舒一起生活的時候，她已經離婚，「起碼我知道佢係獨居。」志雲再問亦舒是否他與鄭佩佩的第三者？他說不是。

至於說亦舒脾氣很大，以及盛怒下將岳華西裝全剪爛一事，岳華承認：「係真嘅，真係有。但我都唔記得乜嘢事，可能關於報章上提及到我同鄭佩佩嘅往事啦。」

岳華又謂：「佢試過一次仲犀利，當時我喺邵氏宿舍住，她試過用刀向住我瞓嗰張床，喺我心口位置插落去……係模擬咁樣……」岳華解釋當時他不在肇事現場，只是看到痕跡。

很多人說《家明與玫瑰》，當中的家明就是岳華，陳志雲問他是否真如此？他稱：「我冇睇過（亦舒小說），但有睇過佢寫我嘅嘢，譬如喺《香港影畫》寫我嘅文章，我有睇，但佢嘅小說我冇看。」至於「家明」是不是他？岳華反問：「我冇睇，點知？」那亦舒有跟你說嗎？「冇。」

岳華與亦舒一起兩年，分開原因，也是跟鄭佩佩有關。「鄭佩佩走後……好似有一次，鄭佩佩寫咗封信俾我，佢（亦舒）睇到封信，認為我哋藕斷絲連。」他稱亦舒或許覺得不能忍受，就將這些信向報章雜誌公開，影響到鄭佩佩。岳華說：「我認為佢咁做太過份。傷害我唔緊要，但傷害人哋家庭就太過份。」

一開始說「佢係咪愛我，我唔係太清楚喎」的岳華，被問到是否因為亦舒太愛他、才有此衝動之舉，他就說：「依家諗番，或者係啦！所以後嚟，even她真係跪低來要求我（復合），我都話：『你傷害人哋太犀利了，唔可以。』」

岳華最後說，亦舒其後移民到加國，他們曾在超級市場碰過面。她已經再婚了，他亦有自己家庭了。