魔術師甄澤權（Louis）喺《至尊街頭魔法王》嘅「杯麵魔法」一舉成名，唔係因為太勁，係因為俾網民影到佢哋穿崩，魔術從來都冇人話係真嘅，不過俾人影到穿崩，只係就鏡頭嘅魔術，就肉酸啲咁解，有冇見過劉謙同日本嘅街頭魔術師Cyril穿崩?而只係就鏡頭嘅魔術，仲使唔使魔術師?

再加上吳若希經常喺節目「宇宙最煩」咁發出「好打耳呀！」「典解嘅？」「好犀利呀！」呢啲洗腦性嘅聲音，令到「杯麵」突然大熱，連其他電視台同電台都要抽下水！好似有線資訊台主持陳漢威同林宛廷噚日喺節目都要玩一陣變杯麵，陳漢威一身裝束仲擺明扮Louis咁添，不過林宛廷未有「好打耳好打耳」咁叫就fail咗。

而今朝903嘅林海峰都喺節目都玩咗呢個「杯麵魔法」，個杯麵「套」，仲係handmade，上面寫住「叮蟹杯麵」，有秋官個樣添!唔怪之得今日咁乾燥啦!