韓國男團JYJ成員朴有天同南陽乳業家族外孫女黃荷娜原定今年秋天結婚，不過二人婚期一改再改，到底有冇結婚都依然是個謎，但黃荷娜手上曾戴上疑似婚戒，又令外界覺得二人已婚。

而之前黃荷娜因為成日喺網上被網民攻擊，所以佢一度刪除Instagram，早前佢重開Ig就頻頻更新，曾上載試韓服片段而被網民留言問佢係唔係準備婚禮之用，不過佢就留言否認。噚日佢又更新Ig，除咗宣傳自己間網店外，亦晒自拍相，當中佢嘅自拍照就被網民發現手機殼上貼有疑似朴有天嘅貼紙，唔知係唔係見機如見人呢？

身穿皮草嘅黃荷娜就留了一大堆文字，當中主要係佢話自己着皮草就被網民鬧，但事實上好多人都着皮草，唔明點解得佢一個畀人鬧，佢話0依家自己唔會因為呢啲惡評而受傷，但強調之前買落嘅皮草唔會丟掉。同時佢又上載幾張屋企照片，留言「home sweet home」，唔知係唔係同朴有天嘅愛巢呢？

更多韓流，喺晒《娛果》
http://fb.com/appledailyent