當年今日
關於我們

【開騷在即】田蕊妮將與爸爸同台合唱 刪走嘉賓坤哥望谷飛

蘋果日報 2019/09/17 15:27

田蕊妮演唱會吳業坤

田蕊妮將於周五假麥花臣場館舉行首個演唱會,今日她應森美邀請到商台接受訪問,順道問候對方。開騷在即,她表示心情沒有太緊張,但發覺腦海運作不到,她笑說︰「例如拎住電話就去搵電話,最近發惡夢突然腦海空白一遍,上到台唔知講乜。我每一日挑剔自己,想喺台上表達得好啲。」
將會跟爸爸在台上首度合唱,日前到band房綵排時,爸爸突然問她平日怎樣租band房,原來爸爸唱上癮了,眼見爸爸開心也令她最為感觸,問到爸爸可有煲湯水跟她一齊養聲?她說︰「咁又冇,佢見我食清音丸,就叫我開騷嗰日帶兩粒畀佢。」
令阿田最擔心是怕上台失控爆喊,她表示自己排練時,唱第一首歌已經喊,她說︰「我而家都只係對住自己唱都咁,到現場怕自己喊爛咗把聲。」原定安排吳業坤任嘉賓,但她表示已經删走了,她笑說︰「如果之前因為有坤哥而唔買飛嘅觀眾,可以買番飛,如果呢幾日啲飛突然去得就知乜事,哈哈。其實係本身個rundown已經三個鐘,所以要删改吓,删走坤哥係沉重嘅決定。」
採訪、攝影︰馬建華
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港
empty
令阿田最擔心是怕上台失控爆喊,她表示自己排練時,唱第一首歌已經喊