【拆局】
特首林鄭月娥改變西九管理局自成立以來，由政務司司長任主席的做法，改由曾任政務司司長、近年鮮有擔任重要公職的唐英年出任西九董事局主席。有西九董事局前成員認為，林鄭除了有工作上考慮外，他認為當中的政治考量更為重要，一方面可從中體現她有心落實和諧施政路線，另一方面可向不滿前特首梁振英的建制中人釋出善意，爭取更廣泛建制人士支持。

前董事指間接回應民主派

有不少政界人士在林鄭當選後均認為，林鄭參選時提出促進社會和諧、修補撕裂等承諾，其實一直未交出具體工作，「民主派想佢（林鄭）透過任命一啲民主或中間派人士入諮詢委員會，以示林鄭有誠意同各方和解，但明顯林鄭喺西環同建制壓力下未能做」。有西九前董事認為，林鄭今次任命唐，可說是間接回應民主派訴求，「唐英年雖然係建制派、又係政協常委，但佢公眾形象唔差，一直同民主派關係唔差，佢當年做西九主席，都主動搵民主派入西九董事局，林鄭搵唐英年坐西九，叫做向民主派有交代，用人唔係只要親北京就得」。
他又指唐英年亦代表住一班過去5年，一直受前特首梁振英陣營排擠的建制派中人，「今次林鄭用唐英年，可以話向呢班建制派釋出善意，事實上之前林鄭搞土地供應專責小組，已經搵咗另一個俾梁振英陣營排擠嘅曾鈺成加入」，他估計林鄭是希望爭取到這些建制派人士支持及效力，穩固她的管治。
■記者莫劍弦