李麗珍（珍妹）、廖碧兒、袁富華及陳國邦等，夥拍MIRROR和ERROR成員，主演Viu TV處境劇《娛樂風雲》，播放時間正與大台近期有好收視的處境劇《愛·回家之開心速遞》，今日Viu TV召集劇中演員在尖沙嘴做大堆頭宣傳，收視雖然未知成績，但論人氣絕對更勝一籌，現場擠滿MIRROR和ERROR粉絲，成員更踩台玩估戲名遊戲，令氣氛高漲充斥尖叫聲。

被譽為重量級女神的李麗珍，在劇中和新一代合作，珍妹坦言：「唔需要認得晒佢哋，但同班後生合作心境好開心。劇情方面會講娛樂圈好現實，離開得耐會畀人叫你過氣，復出返嚟有人又想睇你點死！」珍妹認為劇情寫實貼地，形同娛樂圈真實一面，至於現在的她遭遇，她說：「我唔知道，我覺得現實一半一半，有人希望我努力，亦有人睇我幾時死都唔出奇，唯有自己努力撐下去。」

處境劇暫定一百集，現時大家邊拍邊播，廖碧兒由頭帶到尾，坦言薪酬吸引，但工作時間有點辛苦，她說：「 我喺加拿大讀緊一個商業課程，每幾日就要飛返去，再飛返嚟開工，呢個節奏要到8月尾考完試，好多謝公司配合我，知道劇裏面有其他人都好繁忙，例如陳國邦要返內地拍嘢。」

珍妹則選擇自己節奏，暫只接拍劇集，減輕辛勞之餘亦可陪伴女兒：「近月囡囡放暑假由英國返香港，間中會見到囡囡男友，佢哋Puppy love，對佢印像幾好。」不過珍妹忽然慨歎：「而家細路仔好醒目，乜嘢都識得自己搵資料，不過好難獨立，尤其做嘢方面，所以有機會都係讀多啲書。」

黃淑儀兒子徐肇平有份參與劇集，早前淑儀姐自揭兒子當年離巢原因是不想被綁長約，徐肇平透露自從離開大台後，近4年和Viu TV合作拍劇好幸運，對比以前他解釋：「我做咗明珠台一年就走，重點係想拍劇，但當時冇乜機會就離開咗，同Viu合作。」他透露現時有穩定工作和收入，但坦言不會簽長約：「我都31歲，簽10年、8年咪40幾歲。」亦不強求和媽咪合作，更強調：「唔使啦，想靠自己，同屋企人唔想有太多工作關係，分開啲好，橫掂日日都見到媽咪。」

採訪：卓寶花
攝影：陳慧安

------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9

-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X