《來自星星的你》雖然已經播完成三個幾月，但係男女主角金秀賢同全智賢人氣依然強勁，好似全智賢由今年2月到4月已經連續3個月蟬聯韓國廣告模特好感度榜首位置，而人氣超強嘅金秀賢工作接踵不斷，仲密密到內地搵真銀，而據某雜誌記者訪問咗金秀賢嘅一名工作人員話，當時記者有問過金秀賢有冇整容，當時金秀賢就好風趣話自己仲年輕，所以唔需要喎。

原來該位記者咁夠膽問金秀賢呢個問題，係因為為佢本身唔係金秀賢嘅粉絲，加上《星星》佢都只係睇過一集，所以唔似粉絲一樣因為見到金秀賢而覺得激動，不過網友都對金秀賢個回答好滿意，可見佢個性好率直同開朗，而且唔少網友睇返金秀賢以前嘅相，都覺得佢同以前一模一樣，大讚男神冇整過容。