原本榜末練馬師鄭俊偉上期（2月27日）贏出「其樂無窮」，取得個人今季第九場頭馬，頭馬數目如今同蘇保羅一樣，惟他亞軍次數較多，反壓後者重返尾二。

而蘇保羅於今午（2日）沙田日馬亦有糊叫，就係最尾第十場三班1400米、配騎師田泰安的「心多多」。

蘇保羅作風一向慢熱，多年嚟季初成績都唔算好，今季初更因明日之星「美麗寶貝」喺馬房範圍內不幸遇上意外身亡。

加上麾下多匹質新馬健康出問題而無法上陣，搞到成績更低沉，好彩經過馬房上下悉心照料，該批質新馬已逐漸康復，可以重返戰場。

現年五歲嘅「心多多」就係一個例子，上季在港初出田草1000米直路賽小試牛刀已輕鬆追入第五，只輸給現居二班嘅「新強勇駿」3.5馬位。

此駒之後因右前腿肌腱受傷，唞足大半年，直至上月七日田草1200米，才復出作在港第二戰，閘前竟由22倍打到落12倍，果然直路有嘢睇，最後250米一度冇位之下，又再衝入第五名，只輸個半馬位。

「心多多」喺英國三勝一哩賽事，今場由1200增程至1400米會更啱跑。呢匹亦係從化兵，蘇保羅話從化馬場較大，傷患馬會有更多空間休息，而「心多多」筋腱康復後，喺從化獨有嘅草地上斜跑道快跳，除咗有助本身練氣外，呢條草地跑道亦較軟，馬匹腳部負荷相對較低。

他補充「心多多」在傷患復發的風險減低之大前提下，狀態亦有所提升，可望於今戰交出好成績。

-----------------------------------------
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb