公民黨09年買入北角屈臣道海景大廈一個單位做黨總部，近日有消息話收樓專家田生喺嗰區有異動，可能睇中海景大廈收購。如果屬實，公民黨就有機會同田生直接交手，埋身肉搏「地產霸權」。
呢個總部由黨內幾個大狀持有，業主之一湯家驊稱未接獲田生有意收購消息，不過佢話公民黨「死都唔會賣」，因為賣咗個單位，以目前樓價相信好難買得番同類港島區單位，九龍區都未必得，如果將黨總部搬入新界，實在太唔方便，因此乜價錢都唔動心咁話。假如田生上門，甚至引用強拍，湯大狀都話唔拍，「即管放馬過嚟」。