台灣雞排妹鄭家純今日喺太子為ViuTV節目《築地100》宣傳，來港3日2夜，噚日有機會遇上颱風，但係佢話台灣經常打風，所以都唔會專登出去睇風，只係留喺酒店。

節目之前喺日本拍攝，雞排妹亦逗留喺當地一個半月學日文，o依家已經可以用簡單日語溝通，問佢會唔會考慮識個日本人做男友練好日文？佢話：「現在沒有拍拖，我也有這個想法，如果想說好廣東話便要結識香港男仔，但我覺得日本男人太瘦了，身形不能討好我，我喜歡有點肉，不要太筋肉人那種。」雞排妹早年簽咗日本公司，曾經出過喺日本出過3本寫真，但佢就話今年冇出寫真嘅計劃，佢話：「日本跟台灣、香港文化不同，他們喜歡DVD。我想出旅遊書，台灣跟香港人很喜歡到日本，可以出一本日本旅遊書，穿上比堅尼在築地吃壽司，很有趣，但人體壽司就沒辦法了，我覺得這樣有點浪費。」