這個熱得令人連食慾都提不起的天氣，真是行多兩步都變乾屍，心情煩悶。最近銅鑼灣有間果汁新店，主打清新飲料，花樣多多，大熱天時飲番杯，感覺refresh。當中有個系列主打Tonic water，屬有汽飲料，卻不是梳打水，店員調製好果茶的味道後，就會加入Tonic water，入口帶微酸及甘澀味。飲品都有個別致名字，名為Sunshine，以茉莉花茶作底，配以薄荷葉及新鮮熱情果。Sweet Heart則以泰式紅茶作底，配以士多啤梨、青檸片及素興花，味道清新。而名叫Refresh的飲品，店員會將薄荷葉、青瓜片及辣椒粒浸於烏龍茶中。

不含Tonic water的果茶也有不少選擇，味道全以清新為主，配搭亦不算大路，如Passion Fruit Oolong Tea，即熱情果烏龍茶，含鮮橙片、熱情果及素興花；喜歡薄荷的朋友，另有一款以大量新鮮薄荷葉沖泡而成的茶，入口清新涼快，應該會啱口味。

JUISEE by i see i see
銅鑼灣勿地臣街15號地下B舖

記者：湯珮然

2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily