去年年底退伍嘅韓劇《想你》男星俞承豪，退伍後工作不斷，人氣冇因為入伍兩年後而下跌，更越戰越勇，近日俞承豪接拍咗MBCEvery1新劇《想像貓》，劇集將於下月播出，而女主角方面之前一直未公佈，直到今日劇組方面就公開由韓劇《鄭道傳》男星嘅女兒曹慧貞做女主角。

《想像貓》劇情係講曹慧貞對俞承豪一見鍾情，之後再發展連串故事，劇集係改編自同名人氣網路漫畫，係韓國第一部以貓為題材嘅劇集。

由於曹慧貞係曹在顯嘅女兒，曹在顯喺韓國係實力派演員，所以今次佢個囡囡做女主角，即時惹嚟關注，而曹在顯之前同女兒上SBS綜藝節目《拜託爸爸》時，就曾當住愛女面前話：「喺慧貞四歲嘅時候我曾經同佢講過：『你呀，弄好就係高賢貞，弄不好就係李英子。』」原因係因為曹慧貞擁有一張圓臉，而高賢貞喺韓國就係出名嘅包包臉，而佢喺韓國地位亦好超業，所以曹在顯就話：「女兒嘅臉同如今嘅臉型唔同，非常圓。因為這一點令佢可以成為集中演技嘅優點。」