連日來天氣持續不穩，天文台預計今日仍有驟雨及雷暴，希望對場地不要有太大影響。事關三月份跑過兩期賽事，均出現多場巨型冷門勝出及上名。

今次賽事（10日）戲碼平淡，隨時有機會再爆。草地賽採用普遍偏差較大的C加3欄，內疊前置賽駒有優勢。至於泥地賽方面，今季1200米賽事舉行33次，6至12檔合共贏出28次，勝出率極高，內檔馬反而佔不到形勢之利。

第七場四班泥地1200米，「銀紙」受傷患困擾，今季遲遲未上陣，到11月中開始做慢工夫，一月正式有壓迫性操練，前後試了三課大閘，最近一課刻意全程捉實，姿態吸引，苗禮德處理傷患馬亦了得，旗下馬休出常有好表現，「新強勇駿」便是最佳例子。

「地大大」來港前於英國跑膠沙地兩戰全勝，北半球馬漸適應水土，埋門大閘一放絕塵，羅廐泥地賽成績優異，亦要兼顧。「神州威龍」近況有進，以往試泥閘常有好走勢，今戰易地上陣有力交代。

-----------------------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef