電影版《導火新聞線》嘅演員王宗堯、張建聲、周家怡、楊淇，今日去到會展出席香港國際影視展為《導》片宣傳，王宗堯話希望電影可以喺7月1日前上到，配合時事更「貼地」：「初步睇咗firstcut，知道自己一啲不足嘅地方。」問到《導》片會唔會喺外地上映？王宗堯話：「冇特別設限，齣戲題材講共融，全世界都發生緊，係歷久常新嘅話題。」

而張建聲屬電影版新加入嘅角色，佢話：「我係新加入佢哋班底，雖然大家冇夾過，但合作好好。」周家怡喺戲中飾演記者，佢話o依家做傳媒好辛苦，要鬥快趕新聞，但感到可以伸張正義，佢仲透露嚟緊會為ViuTV拍劇，周家怡表示：「故事嚟自《瑪嘉烈與大衛》小說，同林保怡有對手戲。」