【新增影片】
外界普遍預期，蹠骨斷裂嘅巴西球星尼馬將會趕得切喺世界盃決賽周復出，不過巴西一個知名嘅通靈師就唱反調，預言尼馬今年會缺席世界盃咁話。

呢位叫維頓迪嘅通靈師就話，尼馬需要養傷五至七個月，肯定會錯過今屆世界盃。雖然巴西缺少咗尼馬，但佢預測球隊仍然可以殺入四強。

維頓迪嘅預言會唔會成真就未知，但佢就真係幾有料，喺巴西擁有自己嘅電視節目之餘，上屆世界盃仲成功預測巴西會喺四強大敗畀德國，而德國最後會奪冠，結果又中係畀佢批中，唔知今次又講得中唔中呢？

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1