陳庭欣認與前度翟威廉約會：我哋成日都一齊食飯
蘋果日報 2020/12/08 21:58
奀星陳庭欣楊振源食死貓
前港姐冠軍陳庭欣（Toby）的有米男友楊振源（Benny）日前捲入大台奀星謝可逸與失婚婦方潔盈（Jathy）的「桃色事件」，有指當時懷有第二胎的Jathy曾經想屈Benny「食死貓」，事後Toby表示不知道事件的短訊或者聲音的真偽，本身不認識Jathy：「如果確實嘅話就唔係咁好，佢都會唔開心，但係都唔知道係真定假㗎，不過始終件事都拉咗我哋落水，等佢處理好件事，我唔介意收到佢嘅message。」
有周刊報道指Toby因男友的桃色事件兼逼婚失敗而不開心，兩人一度冷戰，於是頻頻約會前度翟威廉訴心聲，在前度的安慰兼陪玩下，心情有所好轉。Toby與翟威廉今日在將軍澳出席活動，對於兩人拍指密會，他們有備而來地說：「其實我哋成日都會一齊食飯，嗰晚係因為羅浩銘攞咗個台慶獎，佢咪請我哋食飯，飯局係佢搞。」Toby還笑說：「肯定係呢條友唔想畀錢，咪報料拎多500蚊，當係補貼！冇理由剩係影到我哋兩個，明明全程係有4個人一齊。」翟威廉更說：「我哋而家喺電話都狂話佢，我哋本身喺餐廳食飯，不過因為限聚令，餐廳要早收，所以咪買啲外賣去我舖頭食。」再問兩人的緋聞傳足10年，會否覺得厭悶？他們笑說：「幾開心呀，喺疫情下仲有嘢可以畀大家講吓，可以成為大家嘅集體回憶係好事。」
陳庭欣大方承認與翟威廉食飯。
兩人的緋聞傳足10年。（資料圖片）
有米男友楊振源（Benny）近日又爆出桃色新聞。（資料圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！