【韓流】紅裙喬妹埋位前照靚樣 朴寶劍引古巴粉絲集郵
【新增圖片及內容】
韓劇《太陽的後裔》女星宋慧喬與老公宋仲基嘅同門師弟朴寶劍日前已起程到古巴拍攝tvN新劇《男朋友》,喬妹抵達當地後噚晚即急不及待喺Instagram晒風景相,同粉絲分享眼前美景。
雖然佢哋留喺當地拍攝時間近一個月,但佢哋都爭取每分每秒,冇得休息,抵步不久即要投入拍攝,今日更被網民捕獲喺街頭拍外景,喬妹穿上鮮紅色裙子現身,身旁有工作人員為佢擔遮,似乎準備埋位中。之後又再有喬妹嘅新相流出,喬妹襯埋位前就頻頻照靚樣,希望以最佳狀態見人。
至於穿上白色恤衫襯牛仔褲嘅朴寶劍繼續以攣髮示人,睇嚟朴寶劍喺當地都為人認識,佢現身即令古巴粉絲也瘋狂,佢喺現場親民同粉絲輪住合照,好似開緊小型粉絲見面會一樣。
另外,宋仲基就趁老婆出埠開工,日前就被捕獲去咗做善工,今日繼續有同場義工上載男神嘅照片,大讚佢真係喺現場親力親為。
精選韓流,喺晒《娛果》
http://fb.com/appledailyent