當年今日

地產多聲道:林伯趕潮流拆細工廈租

蘋果日報 2002/04/10 00:00


近排本港樓市焦點落響西九龍區幾個大盤,而內地樓市就好興旺,本周四更有3個樓盤一齊邀請傳媒實地採訪,好在最後其中一家願意延期一天,若果唔係記者都唔知去得邊個盤。
另外,新世界中國(917)位於廣東惠陽市嘅棕櫚島二期,今日就同代理美聯物業一齊開記者會,開售之期不遠。
由麗新集團主席林百欣私人持有嘅葵涌工廈百新大廈,早前原本透過中原以全幢方式放租,發覺間細重值租,所以今次宣布,樓面可以由最細1264方呎至全層2.3萬方呎,呎租2.5元。透過中原承租,首10名租客可獲贈首月管理費,有效期至6月30日。

店舖交投創新低
利嘉閣地產表示,3月份全港店舖買賣合約登記共110宗,較2月減少19.7%,是過去3年嘅新低。
蘭西