【魯賓遜主場】五班大超級馬 轉戰谷草唔怕外檔（魯賓遜）
蘋果日報 2019/12/03 20:05
魯賓遜魯賓遜主場葵涌精英
葵涌精英居五班實力大超級
周三（4日）第一場五班1200米，「葵涌精英」上季三歲插班跑六仗全敗，趁未成熟寓賽於操，刻意部署減分降班。
今季開鑼戰（9月1日），「葵涌精英」跑五班田草1200米，孭133磅兼走外疊蝕位多，亦能夠後上跑第二，只輸給其後再獲一冠一亞的「明月昇輝」，而有四匹蹄下敗將，之後都已經贏馬補中，屬A級水準的五班賽。
此駒其後增程跑1400米兩次，但表現都未能再進，現階段氣量不足。上場縮程回師1200米，在慢步速的不利形勢下，仍可後上輸個半馬位跑第三，跑贏今次再度同場的五匹對手，證明跑短途的能力超第五班。
今次轉爭谷草短途，水準再低一級，最多只值五班B級，儼如降級出戰，排外檔亦絕對蝕得起，有力先拔頭籌。