木狼新兵占美畢拿（Jimmy Butler）早前接受訪問時，大爆自己想搵一個好過自己嘅球員一齊合作，而美國傳媒就大爆佢嘅目標係今夏變成自由身嘅控衞洛利（Kyle Lowry）！

洛利早前已揚言唔會執行佢喺速龍嘅1,200萬美元合約，並會去自由身市場試水；加上佢喺東岸四強俾騎士橫掃出局時，講過話冇人守得住勒邦占士（LeBron James）咁嘅晦氣說話，令人懷疑佢都有意轉戰西岸，兼搵其他球星組成superteam。而且木狼一直都傳出想搵人頂替盧比奧（Ricky Rubio）打主力控衞，所以洛利加盟，同畢拿、唐斯（Karl-Anthony Towns）同A域堅斯（Andrew Wiggins）合組「新F4」都唔奇。