62歲本港練馬師告達理的兩位兒子Trevor(告卓華)及Martin(告卓賢)在新西蘭亦擔任練馬工作，其中卓華長期留在當地，較少返港。

不過，Trevor近日帶埋靚靚外籍女友返港見家長，莫非好事近？其實細佬Martin都已娶妻並做埋爸爸，做哥哥嘅都應該諗諗人生大事。今晨Trevor和女友，在Martin陪同下一起出席晨課，三人先在烽火台睇馬，然後去機坪，跟住返回馬房會合爸爸。

馬會規定每位練馬師每季要贏至少16場頭馬，或至少14WIN而同時馬房總獎金達1,850萬才算達標。今季曾受健康問題困擾的告達理，暫時只得6WIN，達標機會微乎其微，且看大仔卓華來港打氣，周日(25日)告達理會否有頭馬見面，一家人一起拉頭馬。而今期告達理共有「牛魔王」、「勝利寶石」、「包勝」及「神威敖翔」4匹賽駒。