「試過幾次我返到屋企，見到佢瞓咗喺地下，爬都爬唔起身，有時佢暈起上嚟，重會跌到鼻青眼腫，你話幾令人擔心。」夏婆婆的丈夫林伯歎道，而坐在床沿的夏婆婆則幽幽地說：「係我陀累咗佢」。

手術後活動能力差
六十二歲的夏婆婆，六歲時因發高燒，沒有得到適當治理而令病情惡化，變成腦膜炎，健康自此一沉不起，常感頭暈不適，無法工作。
後來她下嫁了林伯，兩人育有一子，林伯從事三行，養妻活兒，希望老來從子，可是久病床前無孝子，兒子嫌母親體弱多病，不欲揹此包袱，多年前離家出走，音訊全無。約八年前，夏婆婆腦疾再度惡化，患上腦積水，需動手術放出積水，愛妻情切的林伯索性辭掉工作，在家全職照顧妻子，申領綜援金維生。
「佢以前行路都好快，不過自從做完手術後差咗好多，要用柺杖同輪椅。𠵱家我照顧佢愈嚟愈大壓力，又冇人同我分擔，有時我都要出去透啖氣、買吓餸，冇可能一日二十四小時留喺屋企睇實佢。」林伯說。