澳職又爆冷！禮拜五嘅澳職，豪門級嘅墨爾本勝利再次令人失望，主場出擊但係上半場俾阿德萊德聯嘅塞內加爾射手巴巴迪亞華拉，攞到今季個人澳職第一球，然後勝利嘅新西蘭國腳前鋒巴巴路西斯，上半場補時階段主射12碼，俾門將保羅艾素擋起再中楣彈出，連運都輸埋。雖然換邊後勝利中場米利根喺56分鐘一度追平，但係72分鐘就再俾另一位今季聯賽未入過波嘅前鋒佐治布歷活特射破網。就算完場前七分鐘內，阿德萊德聯先後有中場加魯斯奧同艾隆兩黃一紅被逐都好，勝利都係追唔番，就咁主場輸1:2，阿聯開出3.95倍客W。

10場聯賽過後，勝利只得2勝排第6，而阿德萊德聯暫時以4勝2和4負升上第4位。

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM