【ViuTV發圍】周家怡和林保怡主演的ViuTV新劇《瑪嘉烈與大衛系列 綠豆》，劇情已去到中路，情侶各自偷歡。前晚一集講述家怡和潘燦良瞞住男友保怡食早餐，怎料保怡又約廖碧兒食早餐，四人在茶餐廳相遇，十分尷尬。而下周廖碧兒又再出軌，與情夫王宗堯有床戲，兩人房內激吻，咀到側晒頭。

摩天輪激咀冇伸脷

不少網友鬧爆家怡是「香港女人寫照，正XX。」家怡昨日在電話中表示不介意做出軌的女人，更是越鬧越興奮，她笑說：「最初做嗰陣真係有啲擔心，我怕人哋因為咁而唔鍾意周家怡，不過諗深一層，我係瑪嘉烈，而呢個世界又真係有瑪嘉烈呢啲人，作為演員做到呢啲有血有肉嘅角色，梗係希望可以做到佢。𠵱家俾人鬧反而覺得好開心，係咪有少少變態呢？」
提到早前與潘燦良拍摩天輪激咀，家怡笑說：「𠵱家係瑪嘉烈情陷呀，但我要澄清係冇伸脷㗎！」至於保怡亦在微博留言表示感激遇到三位好對手及幕後團隊：「這一場相遇戲，已將它放在我的演藝生涯的成績單裏。」
採訪：何慧斯