【啪止痛藥先掂】唐文龍練泰拳傷肋骨 所有運動立即叫停
蘋果日報 2019/09/22 17:54
澳門譚耀文唐文龍不義之戰
譚耀文、唐文龍、梁琤、何珮瑜（Jeana）和鄧洢玲（阿旦）等，今日到澳門出席電影《不義之戰》首映，阿旦穿上黑色吊帶裙。
唐文龍的動作比較緩慢，原來他一周前練習泰拳時不慎弄傷肋骨，他說：「我同教練玩得認真咗，我哋嗰日練MMA，教練一腳踢過嚟，入咗我肋骨，我起唔切腳去擋，結果照X光發現肋骨踢裂咗。」唐文龍受傷後，所有運動叫停，他續說：「因為肋骨裂咗要自然癒合，我所有郁動都會拉扯到疼痛，坐立不安，起身瞓覺乜都痛，我要迫住食消炎止痛藥，呢啲咁情況最少要三到四星期先會好轉。不過好多動作演員都係咁經常受傷，大家都唔使太擔心。」
譚耀文近日忙着拍電影《二次人生》，今日向劇組請假到澳門出席《不》片首映，他說：「套戲拍咗兩年，終於上映，一陣儀式
完我會入場睇呀。」譚耀文表示今年一戲接一戲忙開工，未有放假，即使暑假都未有時間陪伴一對子女：「太太帶咗子女返加拿大探親，我幾年冇陪過佢哋返去探親。」譚耀文慶幸子女都體諒沒有投訴爹哋，他說：「我雖然冇時間同佢哋出埠玩，但有時唔使開工，我會車佢哋去學嘢，又同佢哋去郊外relax吓，我都係有求必應爹哋呀。」
完我會入場睇呀。」譚耀文表示今年一戲接一戲忙開工，未有放假，即使暑假都未有時間陪伴一對子女：「太太帶咗子女返加拿大探親，我幾年冇陪過佢哋返去探親。」譚耀文慶幸子女都體諒沒有投訴爹哋，他說：「我雖然冇時間同佢哋出埠玩，但有時唔使開工，我會車佢哋去學嘢，又同佢哋去郊外relax吓，我都係有求必應爹哋呀。」
阿旦着性感吊帶裙。
唐文龍（左）和楊潮凱老友鬼鬼。
譚耀文（左一）向劇組請假到澳門出席首映。
大合照。
袁文傑和梁琤。