當年今日
關於我們

【畢業後首戰】大爆第二場座騎軍情!潘明輝:感覺佢好生猛

蘋果日報 2018/11/07 08:41

師傅畢業Matthew谷草賀賢潘明輝威武再現大師傅

Matthew潘明輝於10月24日谷戰贏「驫驫」贏夠70場頭馬畢業,之後兩期他均停賽,延至今晚(7日)才首次以大師傅身份上陣,展開策騎事業新一頁。
潘明輝話心情同之前冇太大分別,講到最大轉變就係畢業後要親力親為,加倍主動搵馬騎,爭取一眾練馬師信任。
Matthew表示做見習騎師時已好積極,有時都會主動出擊,向相熟練馬師推銷自己,爭取對方支持,遇上座騎數目偏低之時,其師傅賀賢都會主動提供座騎,仲會幫手打埋「人情牌」,客串做佢經理人,向方嘉柏等相熟外籍練馬師推介徒弟,睇吓有冇合適賽駒上陣。
外號火車的潘明輝家陣就要親力親為,佢話遇到唔熟的練馬師,開口推銷自己仍然會有啲唔自然,但自己唔會因此而退縮,並相信只要試多幾次,自然就會取得理想效果。
今晚谷草其座騎中,第二場四班1200米由師傅賀賢提供的「威武再現」,可謂操足而來,潘明輝話最近替此駒試閘,感覺這課大閘牠好生猛,仲抽到有利的3檔,估計較易跟前搶到靚位,有機會成為他畢業後首匹頭馬。