韓國女星韓智敏今日喺Instagram放咗張相，相中嘅佢同一位「靚女」合照，呢位「靚女」仲化咗一個好濃嘅眼妝，望住鏡頭甜笑，十分迷人。

不過望真啲，其實佢係男人，貼士係：佢之前拍過人氣劇集《Oh我的鬼神君》，仲去埋冰島拍《花樣青春》，估到未？你冇眼花，佢真係《鬼神君》入面飾演chef嗰個趙正錫，係咪幾乎認唔出先？

原來趙正錫呢期忙於演出舞台劇《妖型樂與怒》，佢為咗扮演變性主角，所以要化一個咁嘅妝，而同佢老友鬼鬼嘅韓智敏就去後台探班，為佢打打氣。韓智敏留言話：「終於見到Hedwig（趙正錫飾演）了，真係好正！」