【引渡惡法】「總有些事比錢重要」 小店東主拉閘03年後再上街
引渡惡法反送中歐丁瑋香港MG戶外軍事用品店coffeverhk逃犯條例移交逃犯
老闆阿瑋匆匆回舖打點貼上「休息一天維園見」的告示,就準備與父母太太及一歲的兒子總動員三代上街。江智騫攝
香港人為口奔馳,但「總有些事比錢重要」,在銅鑼灣開設樓上店售賣軍事用品的歐丁瑋,自03年以來首次再上街,只因感覺香港已立危牆,不想隔岸觀火,他說小店裝修後原擬今日重新開業,但因「香港有更重要的事情」要做,寧願延遲啟市日期,全體員工休息一天,號召同事及三代總動員上街,守護香港。而同樣03年以來,首次與兒子及孫兒再以遊行人士身份,踏足軒尼斯道的歐爸爸則説,上街未必左右到修例通過,但認為人數如果夠多,至少有較多談判的本錢,否則只能任政權魚肉。
裝修如火如荼,原已公告熟客周日啟市,位於霎東街的「香港MG戶外軍事用品店」,這天卻重門深鎖,有生意唔做,而且擠滿親朋戚友,老闆阿瑋是日行色匆匆,回舖貼上「休息一天維園見」的告示,就準備出發,與父母太太及1歲的兒子總動員三代上街。「我89年出世,只6個月大父母帶我遊行,只知有150萬人,現在就到我帶個仔上街」。帶備水袋、BB車、風扇仔,裝備充足投進人潮,這是一家人自03年後首次再參加大遊行的大日子。「父母一代都關心社會,但我哋都唔係成日出嚟遊行嘅人,對上一次已是2003年50萬人上街」。他直言香港政治光譜極闊,小店亦有不少「藍絲」顧客,不諱言高調接受訪問,亦難免有點顧慮。
「都會擔心,但識我嘅朋友,都知我唔係好政治嘅人,不過有啲嘢,確實係比錢緊要,畢竟香港係我哋屋企,唔想佢哋變差……我對內地法律唔熟,只係覺得既然社會對條例爭議咁大,點解要咁心急,唔諮詢多一陣呢?」事實上,小店日前已事先張揚休息一天,在面書的帖文雖未表明今日休市為上街,但就形容當日「休息但不休息」,更加上hashtag「守護我們的核心價值」和「守護我們的下一代」。
《逃犯條例》修訂影響深遠,向來「揾食至上」的香港,過去數天罕見陸續有小店響應號召,公告休市一天上街,除了留學英國回流香港創業的阿瑋,事先張掦休市上街的,還包括位於富明街的樓上咖啡店coffeverhk,與軒尼斯道只一街之隔,店主Marco直言缺席4.28遊行已深感後悔,認為今日是最後機會,所以一定響應。「之前喺上環,因為搬新舖太忙,見到咁多人肯上街已好感動,但政府態度仍然係好惡劣,所以覺得今次非行不可」。
都說《逃犯條例》一旦通過修訂,影響深遠,Marco說不希望當年台灣的白色恐怖,會在香港上演。「網上發言話唔支持政府,話希望平反六四,可能已可以拉你坐監,之前不誠實使用電腦已經係,不同係以前喺香港坐,通過咗就有權拉你返大陸,好似我現在同你喺電話傾計,俾人勾線,可能已經係犯法」。
Marco直言「條例與每一個香港人都有關係」,絕非唔關我事。「我係英殖時代出世嘅人,唔係話戀殖,但現實係以前公開發表意見,只要唔牴觸法律就唔使驚,現在隨時言論同集會自由都受影響……」他自言只是小市民,「像粒微塵咁細」,但覺得仍要努力爭取:「好多人話遊行無用,但六合彩咁難中你咪一樣去買?我希望香港可以中頭獎逃出生天」。
日期:6月9日(日)
集合地點:維園草地
時間:下午2時30分集合、3時正起步
遊行路線:維園草地遊行至金鐘添美道立法會
(資料來源:民陣)
---------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX