亞洲會昨在亞視大埔總台舉行兩周年慶典，亞視主要投資者王征、高層葉家寶、亞洲會顧問盛品儒、劉錫賢、魏秋樺、黃夏蕙及性感打扮的宮雪花、仙樂都和AD2成員Amy等均有出席。雖然王征昨日未有跳騎呢舞，但大合照時帶領眾人大嗌三聲亞洲電視和亞洲會展氣勢，之後他更在台上高呼：「亞洲電視萬歲萬歲萬萬歲！」表現騎呢。
對於有傳無綫裁減近百員工，葉家寶不作評論，問會否接收無綫被裁員工？他說：「可以呀，有能力之士一定採納。」葉家寶表示未有跟王征談論亞視續牌，他對續牌充滿信心，並謂：「香港唔能夠冇咗亞洲電視。」劉錫賢對無綫裁員表示驚訝，他說：「就嚟年尾，冇工開好慘，如果亞視續到牌，會同葉家寶講，希望請番晒佢哋100人啦。」

另外，宮雪花昨大呻委屈說：「頭先王征先生都講亞視好受委屈，我都好受委屈，我有樣貌、身材、知識同風度樣樣有，報道出嚟冇講我內涵比較傷心。」花姨又表示支持亞視續牌：「個台投咗20億未有收穫，人哋已經好心痛，仲踩多腳，人哋更加心痛。」
採訪：溫敏芝
攝影：仇志德