一年一度觀音開庫昨晚11時開始，其中在香火最鼎盛的紅磡觀音廟，吸引不少善信前來「借庫」。踏入11時，多人一馬當先衝入廟參拜觀音，然後抽開庫利巿，抽中大額利是的善信都笑逐顏開，爭相跟友人分享喜悅。

排頭位的麥生周五下午開始紥營排隊，帶備帳幕、枕頭和睡袋等，工人朝七晚十一排隊，他自己則接力當夜更，終「借得」1.8億，排第二的麥太則求得1.2億，他說2012、13和14年都曾排頭位，「3年都好順利」，2015年後因創業開舖頭沒空，不再排頭位「嗰3年真係差少少，今年希望睇下係咪真係有咁靈。」他盼望今年「財源滾滾來」和身體健康。

求得3.8億的自由工作者梁小姐則表示，今早已到廟取籌，排在頭百多名，今年「希望所有嘢順順利利，如果可以搞下小生意就最好」。

做竹棚行業的王先生表示，已是第7年來借庫，今晨5時已來排隊，排在約30名，笑言「早啲仲誇張紥營兩三日，嗰啲永遠超越唔到佢哋。」他說7年來「又戒煙，又搵到錢」，由起初不太相信，到慢慢習慣每年都來。他不願透露問觀音借得金額，又坦言原希望「財爺」在預算案派錢，「個個都想佢派錢㗎，佢唔派都無佢乎。」