陳冠希（Edison）係NBA嘅fans，一直以嚟嘅夢想係由自己間Clot時裝公司同adidas合作推出NBA籃球鞋，呢個夢想終可以達成喇！早排Edison親自喺美國傾成呢次合作，產品下周五喺全亞洲推出，售價係1,280港元。Edison仲親自做模特兒示範，喺美國影咗唔少硬照。除咗出籃球鞋外，佢公司又出環保tee同環保袋，以響應環保。

祝福契姐千嬅

Edison嘅契姐楊千嬅同丁子高結婚，Edison喺美國知道呢個消息後，都覺得好突然，佢話：「真係冇諗到，事前冇聽佢提過，不過知道佢搵到鍾意嘅人結婚，當然會祝福佢啦！」問到佢同女友Vincy（楊永晴）幾時拉埋天窗，Edison話：「之前係有諗過o架，但發生嗰件事（淫照事件）後，家梗係要畀心機做嘢搵錢先啦！」