韓星每次出場都會扮到靚一靚，但偶爾都會失手出現醜態。有網友喺內地網站《韓劇社區》裏面，捕捉咗一眾靚仔靚女韓星上電視時最醜樣一刻，仲放上網畀大家欣賞，有啲相片仲懷疑經過「特別加工」，可憐李準基變成老態龍鍾嘅公公，靚女蔡妍仲變成雙下巴肥婆，相信當事人睇到都會嚇一跳。
李準基嘅「瞬間醜樣」，法令紋變得好鬼深，再加埋佢唔覺意嘅扁嘴，一下子變成60歲公公，唔睇佢嘅年輕打扮，仲以為佢係基哥阿爺㖭。至於多次被網友捉到有士啤胎嘅性感女歌手蔡妍，估唔到笑起上嚟變咗雙下巴肥婆，的確有幾分似金亞中喺《醜女大翻身》入面嘅200磅肥妹。